اليوم ال 57: قررت أكتبلك.. هيك عم بعملو العاجزين حالاتي! .. في كتير ناس عم تكتبلك و بتحاول تنشر موضوعك و أخر كل يوم بنصير نعد كم يوم صرلك مضرب و بنحكي عنك بطل...بلكي ازا كتبنا حسينا حالنا بشر لأنه بعملتك هاي انت غيّرت تعريف الانسانية يا خضر .. انت الانسان واحنا عم نتعلم منك .. اسفين يا خضر.
اليوم ال 58 : خضر .. تراب غزة و الضفة و رام الله وبيرزيت وجنين وحواري عرابة بسلمو عليك و بحكولك رفعت راسنا ... انت فلسطين يا خضر .. علّمهم شو يعني كرامة .. علّمهم شو يعني تكون فلسطيني ... علّمهم شو يعني تقهر سجانك.. بقلولك كمان رح ترجعلنا .. فلسطين محتاجيتك كتير.
اليوم ال59: خضر عدنان البطل لو أنا تمنيت أكون سوبرومن و أجي ع فلسطين و أنتشلك من السجن انت رح تكون سوبر مان و حترجعني ع جناح الحرية .. تصبح ع حرية. تموتش.
اليوم ال61:
كمان يومين يا خضر بتصير مضرب عن الطعام ع قد عمر نكبتنا .. بحياتي ما كرهت الأكل قد هالفترة، كل لقمة ازا أكلتها ببلعها زي السم خجلا منك والله..مخزية يا خضر.. عندك بنوتة بدها تشوفك كل الشوق الك يا خضر..خضر انت مضرب عن الطعام و احنا كرهنا الحياة و كل يوم عم بكره عجزنا و الوضع برا خرى شقفة سفارة اسرائلية ما قدرنا نسكرها و ضربونا تخيل يا خضر؟ ..خضر عم بفكر أنزل عالحدود و انا عارفة اني مش رح اوصلك حتى بس لو متت بكون أشرفلي من هالشعور..خضر انت شبعان كرامة و عايش ع الكرامة مش ع الأكل بس برا في كتير مش شامين ريحتها لهل كرامة..اخ يا خضر لو تعرف قديش نحنا ضعاف، عم بنحرّر بلادنا العربية عشان نجيك ع فلسطين بس تموتش مشان الله.
اليوم ال 62:
خضر .. أبوك أضرب عن الطعام يا خضر!!.. اليوم أضربت معك صرلي بس يوم و تعبت فكيف انت ؟! بتعرف يا خضر اليوم قرأت انه مرتك حتجيب طفل ع هل دنيا.. نياله .. حسدته ع ابوه .. بده يطلع الصبي ابن خضر عدنان !!! والله نياله .. فكرك يا خضر حد بتحرّك قبل لتموت؟ احنا هون الحكام العرب مش فاضينلك... عم بلزقو بالكراسي و بطفشو الشعب !!!! مش لو انك شاليط يمكن كان تحرّكو..
اليوم ال 63:
بقولو يا خضر جسمك عم بموت شوي شوي و خسرت فوق ال 30 كيلو !!! بقولو كمان احتمال يصير معك سكتة قلبية أو فشل عضوي كامل... بس روحك عالية .. عالية كتير يا خضر و واصلة لعنا للأردن..و الكركي يا خضر رابط قضيته فيك والله .. فكرو مجنون بس معه حق كل الطرق تؤدي الى فلسطين و الك انت يا خضر..
خضر انت عم بتقاتل عنا كلنا و انا قاعدة قدام لابتوب و قدامي مي انت مربوط بالسرير و مضرب.. تخيل الفرق يا خضر؟ ... انت مش بس عم بتقاتل ظروف الاعتقال الزفت و كمان قرار الاعتقال التعسفي الاداري تاع ولاد الكلب.. بيقعد الفلسطيني بالاسر 6 أشهر و فوق و هو مش فاهم شو تهمته.. تهمتكم كلها وحدة يا خضر .. تهمة الكرامة و الشرف و هم مش قادرينلك .. حتى سكوتك مخّوفهم يا خضر!!! مرعوبين من ارادتك.. قاتل يا خضر قاتل .. بس تموتش يا خضر بدك تاخد شهادة الماجستير و فلسطين بدها ياك.. تموتش..كل يوم عم عم بمر باضرابك انا عم بقرف من حالي و ضميري و كرامتي و شرفي و فلسطينيتي و عروبتي، خضر ازا انت متت عارف شو رح يصير؟؟؟؟ ولا اشي !!زي كل شهيد عم بموت .. بصيرش بعده اشي وبرجع أقرف من حالي وعروبتي ليوم الدين .. تموتش .. هذا جحيم اللي احنا في و احنا عم بنشوفك عم بتموت.. تموتش يا خضر.
اليوم ال 58 : خضر .. تراب غزة و الضفة و رام الله وبيرزيت وجنين وحواري عرابة بسلمو عليك و بحكولك رفعت راسنا ... انت فلسطين يا خضر .. علّمهم شو يعني كرامة .. علّمهم شو يعني تكون فلسطيني ... علّمهم شو يعني تقهر سجانك.. بقلولك كمان رح ترجعلنا .. فلسطين محتاجيتك كتير.
اليوم ال59: خضر عدنان البطل لو أنا تمنيت أكون سوبرومن و أجي ع فلسطين و أنتشلك من السجن انت رح تكون سوبر مان و حترجعني ع جناح الحرية .. تصبح ع حرية. تموتش.
اليوم ال61:
كمان يومين يا خضر بتصير مضرب عن الطعام ع قد عمر نكبتنا .. بحياتي ما كرهت الأكل قد هالفترة، كل لقمة ازا أكلتها ببلعها زي السم خجلا منك والله..مخزية يا خضر.. عندك بنوتة بدها تشوفك كل الشوق الك يا خضر..خضر انت مضرب عن الطعام و احنا كرهنا الحياة و كل يوم عم بكره عجزنا و الوضع برا خرى شقفة سفارة اسرائلية ما قدرنا نسكرها و ضربونا تخيل يا خضر؟ ..خضر عم بفكر أنزل عالحدود و انا عارفة اني مش رح اوصلك حتى بس لو متت بكون أشرفلي من هالشعور..خضر انت شبعان كرامة و عايش ع الكرامة مش ع الأكل بس برا في كتير مش شامين ريحتها لهل كرامة..اخ يا خضر لو تعرف قديش نحنا ضعاف، عم بنحرّر بلادنا العربية عشان نجيك ع فلسطين بس تموتش مشان الله.
اليوم ال 62:
خضر .. أبوك أضرب عن الطعام يا خضر!!.. اليوم أضربت معك صرلي بس يوم و تعبت فكيف انت ؟! بتعرف يا خضر اليوم قرأت انه مرتك حتجيب طفل ع هل دنيا.. نياله .. حسدته ع ابوه .. بده يطلع الصبي ابن خضر عدنان !!! والله نياله .. فكرك يا خضر حد بتحرّك قبل لتموت؟ احنا هون الحكام العرب مش فاضينلك... عم بلزقو بالكراسي و بطفشو الشعب !!!! مش لو انك شاليط يمكن كان تحرّكو..
اليوم ال 63:
بقولو يا خضر جسمك عم بموت شوي شوي و خسرت فوق ال 30 كيلو !!! بقولو كمان احتمال يصير معك سكتة قلبية أو فشل عضوي كامل... بس روحك عالية .. عالية كتير يا خضر و واصلة لعنا للأردن..و الكركي يا خضر رابط قضيته فيك والله .. فكرو مجنون بس معه حق كل الطرق تؤدي الى فلسطين و الك انت يا خضر..
خضر انت عم بتقاتل عنا كلنا و انا قاعدة قدام لابتوب و قدامي مي انت مربوط بالسرير و مضرب.. تخيل الفرق يا خضر؟ ... انت مش بس عم بتقاتل ظروف الاعتقال الزفت و كمان قرار الاعتقال التعسفي الاداري تاع ولاد الكلب.. بيقعد الفلسطيني بالاسر 6 أشهر و فوق و هو مش فاهم شو تهمته.. تهمتكم كلها وحدة يا خضر .. تهمة الكرامة و الشرف و هم مش قادرينلك .. حتى سكوتك مخّوفهم يا خضر!!! مرعوبين من ارادتك.. قاتل يا خضر قاتل .. بس تموتش يا خضر بدك تاخد شهادة الماجستير و فلسطين بدها ياك.. تموتش..كل يوم عم عم بمر باضرابك انا عم بقرف من حالي و ضميري و كرامتي و شرفي و فلسطينيتي و عروبتي، خضر ازا انت متت عارف شو رح يصير؟؟؟؟ ولا اشي !!زي كل شهيد عم بموت .. بصيرش بعده اشي وبرجع أقرف من حالي وعروبتي ليوم الدين .. تموتش .. هذا جحيم اللي احنا في و احنا عم بنشوفك عم بتموت.. تموتش يا خضر.
حلو وبسيط يلي كتبتيه , بس احنا شبعنا حكي من بعيد انتو مش شاطرين الا بالحكي.
ردحذفما فهمت انتي لبنانيه؟! أو عايشه في لبنان في فقرات باللبناني مكتوبه.
على فكره احنا الي ذابحنا الناس الي زيك الي عم يزاودو علينا من بعيد
اسف انا ما بذمك أو بقلل من قيمتك بس هذا الواقع مزايدات مزايدات مزايدات من بعيد لبعيد
بالكثير يمكن تطلعي مظاهره او تكتبي سطرين تضامن
من وين انتي من لبنان ولا سوريه ولا اردنيه ولا يمكن أمريكيه ؟ بتمشي بتطلعي بتروحي متى ما بدك بأمان ما حدا محاصرك على لقمة عيشك , ما حدا بعد عليكي النفس , يوم سلطه ويوم حماس ويوم يهود
من وين انتي ؟ اذا مسكك شرطي بيسألك انتي فتح ولا حماس ويا ويلك اذا غلطتي ولا بتوقفي على الحاجز يومين عشان تطلعي تشتغلي أو تتعالجي؟
ارجوكي انتي وغيرك ما تزيدوها علينا
انا فلسطينية أردنية عربية انا ما عمريش رحت ع وطني فلسطين و بطلعليش نهائيا أزاود بطلعليش نهائيا أزواد ع شعب جبار و الله بعلم قديش بعرف انه بطلعليش أحكي كلمة وحدة عن نضال الشعب الفلسطيني... أرجوك لا تجلديني قبل لتعرفيني و قبل لتفهميني أنا مستحيل أزاود ع شو أزاود؟ زي ما انت قلتي أنا ما عمريش توقفت ع حاجز أنا ما عمريش شفتها هالأرض اللي جابت خضر عدنان..
ردحذفيمكن بطلعش بايدي هلأ غير أطلع مظاهرة و أكتب سطرين بس قسما بالله اني بحاول بكل ما أملك اني أتحررّ في وطني الأردن عشان وطني فلسطين ..
تعليقك جرحني في الصميم لاني مخزية اني بقدرش هلأ اجيكم ع فلسطين و أكون معكم.. بس بعرف اني يوما ما رح أموت بفلسطين.
أية رياض