الأربعاء، 29 أيلول 2010

احنا مين ؟

حكوا كتير و حزّنونا عليهم

والخلاصة كانت نحنا الأمل!


طب والعمل؟


حكولو كون صلاح الدين

و إنتِ خولة بنت الأزور

وإنو نحنا حنرجّع فلسطين


وأنا نفسي أسألهم ..طب إنتو مين؟


طالبونا

نشقى زيهم

نحمل عنهم همهم


طب وإحنا إلنا مين؟


حكولنا في حرّية

و علّمونا الديقراطية

وإجينا عَ دنيا مسحتلنا الهوية


بطلنا عارفين إحنا مين !


واللي عارف واللي ضايع

والكل خايف


نحط الحق على مين والاّ مين؟


حطينا بتمكم معلقة من دهب

ومتنا وانهلكنا من التعب


و عَ الشمعة درسنا

وبالآخر نجحنا

و سردولنا كل أساطير الأوّلين

والنتيجة منا مصدومين


! يا عمي مين حكالكم إنو إحنا مرتاحين


اية الموسى

هناك 5 تعليقات: